Dassami su sorrisu,coro meu..

Si cheres, dogaminde su pane dae vucca,
dogande s'aghera chi respiro, ma
codiami su saludu sintzeru
chin d'unu sorrisu
Dassami sa melagranada,
dassamila isgranare,
dassami s'abba pro la buffare
cando iscoppias de cuntentesa,
cando s'unda a s'improvisu,
ti vachet luchente che a sa luna.
Deo torro chi sos ocros istraccos
dae custa porca vida schifosa,
ca v'appo vidu chi est semper
su propriu.
Forzis, intrande sa cara tua serena
pesandesi a su chelu chircandemi,
pro m'apperrer tottus sas jennas
de sa vida.
Coro meu,in su pejus mamentu,
cuddu de sas nues nighedas in su chelu,
apperidi chi su sorrisu,
e si d'abbizas chi so prenende
de sambene s'impredau,
vache contu chi es su colore
ruju pro cussas manos biancas
che su telu e sa boera 'e su manzanu.
Cando venit s'attonzu,
su mamentu de di thuccare,
sa cara tua cuntenta appat sa vorza
de pilisare su mare a cantare,
e in veranu, cando b'as a ghirare,
amore meu, amore bellu,
avio cheridu cares risiu comente
cussu matzulu de viores
chi d'appo guddiu dae su pradu,
rosas rujas e celestes,
sa trumba de s'anghèlu,
sos coros nostros chi sian paris.
Piccala a brulla su de notte,
ridedila pro cussas istradas astrintas,
ridedila vinzas pro su de die,
ridedila pro custos caminos tortos,
picca a risu vinzas custu piccioccu
chi di amat forte,
ma cando appergio sos ocros,
e cando los torro a serrare,
cando mi tzucco pro non torrare,
cando torro isseccus ca di disizo,
non mi dias prus su pane,
non mi vacas prus respirare,
dogande sa luche pro non viere,
dogande s'aghera dae su chelu,
ma dassami su sorrisu tuo,
pro arreare galu vivu...

Dedicata a C.V...