Indovina...

Ve vedemo e controlemo
Anche quando che ronfè
Come tanti angioletti
Voi gnanca no ve acorzè

Ma noi semo sempre insieme
Ne lassè pe’i cantoni
Spesso gnanca bazilè
Ne lancè come baloni

Meritemo un’ociada
Solo quando sconte semo
Solo una vien trovada
E quel’altra no savemo

E sentimo proprio tuto
Che succedi dentro casa
Remitur o xe baruffe
Ma noi no semo mai stufe

Spostamenti, viagi e ferie
In valigia ne conzè
Qualche volta per intrigo
Però sempre ne portè

Credo che gavè capido
Noi zemele chi che semo
Pele lana o coi orseti
Noi papuze se ciamemo