L'amore contro la mamma dei fuochi

Calore vorte, basca in su chelu
a colore 'e chisina,
tuppas de chessa e mudrecu
pranghen e chene lacrimas,
berbeches sementosas,
vuvulos imbolaos a terra
prenos de sudore,
sirbones disisperaos,chercos
sididos, leppereddos in chirca
'e sa mama,
campos de granu brujau dae
sa siccagna,
pethi sa gana ridende pro sa
disgrascia!
Sa mama 'e su voccu es che
su diavulu bellu e sonat sas
concas vinzas a l'arrughinare.
Sa mama 'e su voccu b'apporrit
su luminu pro bettare voccu dae
su benenu a sa mama 'e sa siccagna.
Ma Deus meu,poite as dassau cuddos
bellos campos 'e Campidanu?
Poite nde li sas vurau sos vrores de veranu?
Poite as iscuriu su chelu 'e chizina?
Vache torrare su sole claru,
vache torrare sas rundines vughias,
daeli su toccu a sa mama 'e su voccu.
Sas arbules de su monte de burcei
non tenet prus vozzas pro muccadore,
paren mossos de preda e sa preda
paret vizza tua, mama mala e su voccu.
Sas nues ana mudau e como sun nighedas
comente su coro meu,
valat dae su chelu abba maseda,chietta..
deo la pompio ispantau tottu su notte,
la vaso comente s'isposa in sa die 'e sa vesta,
tanco sos ocros e pesso a su manzanu...
a sa morte de sa mama 'e su voccu,
a sos milli colores de su chelu
che unu mazzulu de vrores arcubalenu,
a sa domo de campidanu
e sa vemina chin disizzu....
e a sas a rundines i su chelu 'e veranu...

Uras‐Cagliari