La soluzion

Su do’ binari
de note e de giorno
el saluda stazioni
andata e ritorno

Se el treno xe in corsa
in bagno no ‘ndar
che xe ‘ssai longhi
el zentro ciapar

Po’ se el se ferma
ghe xe el divieto
nele stazioni de scarigar
‘lora tignimo duro
o farsela ‘dosso
xe più sicuro

Vardo el biglieto
che go prenotà
el mio posto
xe ocupà

Sorry xe mia
quela poltrona
ma no la capissi
quela santa de dona

“La scusi” ghe digo
“el biglietto la vardi”…
“niente ticket” la me rispondi
“iera tropo tardi”

Desso come femo?
i conti no torna
no ‘sta un viagiator
e in lontananza
xe el controlor

Un’ idea me vien
risolvo mi
e quela siora
la sero in W.C.