Pensieri foschi in una notte buia in lingua sarda

Dopo chi valat su sole sas arbules nighedas
s'accattan in bona cumpanzia
chin s'iscuricore.
Sa luche arta de sa tzittade las colorat
comente una caratza 'e biudas dae meda.
Sos ulimos 'e di s'iscoricosu si cossolan
chin sos canes 'e su de notte,baulande,
chin su grodde in chirca 'e verveche,
sos chercos 'e su vergiu morin a ziccu a ziccu.
Est s'iscuriore bandidu echene luna in su chelu,
sas animas sunu cuvadas time time,
sas nues picchidas la fachet de mere.
Su mare est nighedu e male presu,
sas barcas paren vestires vezzos de su vresu,
imboladas in s'arena zarrosa.
In foras è caientu comente sa braja in su brajeri,
sa temporada est in arribu, muda e traitora.
Notte lezza pro sos bonos sentimentos
notte pro zente mala, pro mortorgios a ziru,
sparos e bombas a s'assamudada.
E nois,animas in pena, nos tenimos astrintos
e abbrazzaos in s'assamuda e pessamu a
su manzanu e a sa noa die...