Pioggia di fango sui nostri cuori...

Die mala de mala gana
die de chelu arrenegau
gruspit ludu a sa terra
comente siat prenu 'e benenu.
Sas cheresias sunu a colore
'e coa 'e matzone,sos vrores
mannos pranghene pro sos
fizzoleddos affocaos dae su ludu 'e su chelu
malu arrenegau.
Sas nues sunu crudas che su malu sambene,
giallas e virdes dae su colore 'e su sole
chi non b'arribat a vinchere su chelu malu.
Sos traghinos asciuttos pranghene
pro s'abba mala che ludu chi fachet male
a sa zente sidida,a sos chervos in amore,
a s'anzone verrile iffattu 'e sa mama...
Maleitu chelu,ma ite d'at piccau pro cherrer
su male a custu mundu chi d'a semper
connotu serenu e bellu che a su mare?
S'erva 'e sos campos es che viuda e chene
su bellu virde 'e su pradu,sa suberjera
guttiat sa madriche 'e su ludu ca l'as gruspiu.
Sos caminos paren un'impastu 'e terra luzana,
sos brincis e sos canarjos sunu in su nidu
mudos comente su chi los est illudriande.
Mama 'e sos ventos curres in azzudu,
vache sa caricade 'ende mandare saes nues
a colore 'e costumene porporinu che su boe!
Sos ammoraos sunu comente unu piantu
i su desertu,su coro i su disisperu,muttos
de cantores vachent a cuncordu i sa garrela
vinzas pro los cossolare dae sas penas chi
benin dae s'aba 'e ludu e chene colore 'e chelu,
sos vasos sun ammisciu 'e lacrimas ranchidas
che su chelu malu e sa nue istranza..
Dae innedda accudini sos alarpos in chirca
de s'alluppare inghiarande sos poveros chervos
chi su vasu mortore..
Arribat forte su ventu dae su mare 'e campidanu,
minethat sas nues survande che a su odde
in su vravile, l'acchirrat una survada pro nde
lar mandare a s'ifferru...
E li s'andat iffattu comente unu varu e puru
issu s'acchiettat e ponet sa pache.
Comente es bellu como su chelu e sos isteddos!
Ite bellas cuddas cathones de sos tenores a muttos!
Cuddas musicas durches de sas gardulinas,
sos brincis e sos canarjos ammorande,
sos corvos e alarpos vughinde dae s'amore de
sa natura vinchente,dae s'erva virde de sos
campos, dae sos suberjos fachende s'amore..
E sos coros ammoriaiolos sunu rujos
che su vocu de sa passione 'e s'amore
ascurtan sa serenada de sos puzzones,
sos accordos de sa chiterra chin sas cathones
de sos tenores e si corcan in terra,
in s'arena bianca che su candore...
chin su mare luchente...
e fachen s'amore
tottu a inghiriu de s'iscogliera e
de sos vrores de cada colore...