Seconda canzone di Marotta a Fra' Guittone.

Chi me pô levà ‘e ddeta.
da ‘e ccorde ‘e sto liuto?
A vuje l’aggio sentuto:
cavaliero me site.

Maggio mo’ pozzo cantà
cu’ ‘a lengua ‘e l’aucielle,
e int’a li ffronnelle
n’armunia sunarrà:

“Scetate, uorto mio,
e vuje, rose e viole!
Neh, no cchù bbello sole
Ogge v’ha dato Ddio!”

‘E sfere soje manna
Lu Sire mio pe’ mme!
Sti pparole a mme! Pecché?
Che smania ca me danno!

‘A luce vosta pare
vicina ‘no poco ‘e cchiù,
e ‘o core: “Che faje tu?
Nun puo’ passà sto mare.

Isso s’è scurdato ggià.
So’ tutta ‘a ggioja soja
l’uocchje sante ‘e Maria:
sul’essa no scurdarrà.”

Ma, ajemmé, c’aggio ‘a fa’?
Chiantulella songh’io
ca nun cerca golio,
ma na sfera pe campà.

Cchiù ccaro m’è sto viso
ca nun ‘o pozzo addurà,
pecché nun se po’ streppà
‘no sciore ‘e Paraviso.

No, stateve ccà sulo!
N’ato ppoco sciurite
e barzamo spannite
primma ‘e turnà ‘n Cielo!