Sora dela mia zità

Se nele fiabe
te se buti senza pensar
vien anca el momento
che te rivi svolar

Te ciapi la rincorsa
sula cima de un monte
e dopo un altalena sule stele
te se lanci zo’
e te cominci sbater le ale

Al primo tentativo
xe meo che i te tegni x man
te pol gaver bisogno
po dopo te ‘nderà da solo
sarà come un sogno

Sora de Trieste
te poderà svolar
de sera co la xe iluminada
de San Giusto a Miramar
come una favola incanatada

Ciapando quota vizin de monte Grisa
sora el Carso te poderà viagiar
dala Napoleonica a Prosecco
soridendoghe al mar

Sfiorando el coston
ingrumando un fior
te vederà dele stagioni
ogni color

Passa l’ autuno
co le foie rosse
pò l’estate che tuto xe fiorido
in primavera co sarà sbociado
opur d’inverno tuto iazado

Atera sul mar
vizin ai scoi de Barcola
fermite a vardar
L’orizonte e il tramonto
sarà tante le emozioni
le scriverò in un raconto

Se anca dopo svolerò de novo
'nderò veder el molo Audace
E li, vizin de zità vecia
tuti quei loghi
che tante volte dimentichemo
la xe l’atmosfera de noi triestini
de come che ierimo
e de come che semo

Svolar nele fiabe se sa
xe più facile che nela realtà
ma se un vol restar muleto
no ocori ciamarse Peter Pan

Brazi larghi e oci seradi
Ve speto doman
Mi sarò la’
Vestive de verde
In mezo a piaza Unità