Un gireto co' la bora

In piaza xe borin
Me son sveià bonora
Man man che passa el tempo
Se alzerà forte la bora

In giro per Trieste
la me porterà
Parlar co la gente patoca
De sta granda zità

Una bela spazolada
del carso a miramar
La riva fin san giusto
I nuvoli spostar

E quando in ponterosso
Le bancarelle colorade
Con tante venderigole
Vigniva sbatociade

El mar coi sui colori
Le onde contro i scoi
Do muli che camina
Finissi slavazai

Che teneri che i xe
I se tien streti la man
Ma sto vento no perdona
Ribalta anca i tram

De opicina xe quel
Che tuti noi cantemo
Che ga solo el frenador
Intanto che tuti lavoremo

Xe tante canzonete
bone per far festa
Se canta volentieri
La bora e marinaresca

El carso fa figura
Con alberi e cespugli
Xe tuto dentro un quadro
Ottobre foie rosse
Par proprio piturado

Girando co la bora
Te rivi in val rosandra
Li tuto va pian pian
E anca le cascate
Te ciolerà la man

Te pol anca fermarte
Trieste no ga furia
Intorno sta a vardarte
El spettacolo dela natura

e dopo el molo audace
La bora te saluda
La va de novo in tana
Sora del municipio

Ma come no savevi?
La guardia la fa là
Insieme a mikeze jakeze
Su piaza unità